قيادتنا الحكيمة .. ( من اولها مجاملات :P ) .. توجهتي للامم المتحده وبدك دولة ايلول ( انا بسميها دولة فتات ) ..
طيب انا فهمي على قدي .. مش منظمة التحرير بتمثل الشعب الفلسطيني في الداخل والخارج ؟! ..
واحنا يالشعب الي بتمثلينا مش من حقنا نقول بدنا هالدوله او لا ؟! .. يعني اعملوا لوجودنا قيمه عالاقل
اي هو مش من حقي كمواطن بهالبلد سواء كنت - ضفاوي او غزاوي - اني اعترض ؟ ..
اعترض على انك بدك تحرمينا يافا وحيفا وعكا وصفد والناصرة وغيرها ..
هو مش من حقي كلاجئ .. طلعت من ارضي اني اشتاق الها .. اني اقول هذي ارضي ما بفرط فيها ..
انو يكون عندي امل بالعوده القريبه الها ؟؟! .. يا عمي اتركوني احلم .. بس ما تصحوني على هيك كابوس !!
طيب مش من حقي كعربي او كمسلم .. اني اعترض على تقسيم ارض كانت - على مر التاريخ - للعرب والمسلمين ..
وبيوم وبجلسه بالامم المتحده قلتي يا قيادتنا انو هالارض لقاتل ابنائنا واخوتنا !! ..
بيكفينا مصايب !! .. بيكفينا نكبات !! .. بكيكفينا نكسات !! .. بيكفينا ايلول اسود واحد !! ...
زهقنا اكل فتات على مدى اكثر من 20 عام من التنازلات ( المفاوضات متل ما بيسموها ) .. نفسي بيوم نوكل اكلة دسمه لكن من وين يا حسرة .. ما احنا تخلينا عن الطريق الى ممكن نجيب منها اشي غير الفتات ( المقاومة المسلحة ) .. قال علشان ما يحكوا عنا ارهابيين .. وبعدين المقاومة المسلحة مش شكل من اشكال النضال الحضاري بالمره .. ( تبا لهيك عقول بتفكر بهيك طريقه ) ...
.. يا قيادتنا قالها لكم ابراهيم طوقان واقولها انا ايضا لكم " في يـدينـا بقيـة من بـلادٍ فاستريحوا كي لا تضيــع البقية " ..
ليست هناك تعليقات:
إرسال تعليق